Wia a Schneeflockn

---

Wia a Schneeflockn



Wia a Schneeflockn bist,
die fållt in da Nåcht
von irgendwo åber,
gånz leis und gånz såcht.

Wånns viel solche Schneeflockn
schneibt über d Nåcht,
stråhlt d Welt dånn schneeweiß -
a herrliche Pråcht.

Wia a Schneeflockn bist,
die 's auf d Welt åberschneibt,
die åls Schneeflockn nur
gånz a kurze Zeit bleibt.

Wia a Schneeflockn bist.
A Zeitl bist schön.
Bist irgendwånn kumma,
muaßt irgendwånn z'gehn.

Wia a Schneeflockn bist,
die kennt ka Zeit net.
S kann fruah sein, ah spät;
die waß's net, wånns z'geht.

Wånn a Schneeflockn z'geht,
bleibt a Tröpferl uns nur,
des rinnt in an Bacherl
da Ewigkeit zua.

Wia a Schneeflockn bist.
Die Erdn saugts auf -
und auf den Fleckerl Erdn
blüahn d Schneerosn drauf.


Franz Fuchs

Es grüsst euch die susibella.